16.03.2023-cü il tarixində Lənkəran Rayon Mərkəzi Xəstəxanasında yeni Fizioterapevtik və Reabilitasiya kabinetlərinin açılışı olub
Tibbi Ərazi Bölmələrini İdarəetmə Birliyinin (TƏBİB), Hemofiliyalı Xəstələrin Respublika Assosiasiyası, Novo Nordisk Hemofiliya Fondunun dəstəyi ilə TƏBİB-in tabeliyindəki Lənkəran Rayon Mərkəzi Xəstəxanasında yeni Fizioterapevtik və Reabilitasiya kabinetlərinin açılışı olub.
Kabinetlər bütün zəruri avadanlıqlarla təmin edilib. Yeni kabinetlərin fəaliyyətə başlaması hemofiliya və digər qanın laxtalanması pozğunluğundan əziyyət çəkən vətəndaşların xəstəliyin verdiyi fəsadların aradan qaldırılmasına və müalicənin multidisiplinar yanaşmasına xidmət edəcək.
Kabinetlərin açılışından sonra Lənkəran və ətraf rayonlardan olan həkimlər üçün elmi seminar keçirilib.
Seminarda Lənkəran Rayon Mərkəzi Xəstəxanasının direktoru Ağabala Kəlbiyev, TƏBİB-in Xüsusi profilli tibbi xidmətlərin təşkili şöbəsinin müdiri Vüsal Yusifov, Koordinasiya şöbəsinin müdiri Mübariz Ağayev çıxış edib. Onlar vətəndaş məmnunluğunun, tibbi xidmətlərə əlçatanlığın artırılması istiqamətində görüləcək işlərə davam ediləcəyini bildiriblər.
Hemofiliyalı Xəstələrin Respublika Assosiasiyasının sədri Ayaz Hüseynov çıxışında Assosiasiyanın fəaliyyəti və dövlət səhiyyə qurumları ilə sıx əməkdaşlığın faydalı nəticələri barədə məlumat verib.
Seminarın elmi hissəsində Respublika Klinik Xəstəxanasının Hematologiya şöbəsinin müdiri Naidə Hüseynzadə, Respublika Klinik Xəstəxanasının Fizioterapiya şöbəsinin müdiri Yeganə Əzizova və Yeni Klinikanın həkim-hematoloqu Sevil Cəlilova praktik təqdimatlarla çıxış ediblər.
#Səhiyyə #Sağlamlıq #Pasiyent #Hemofiliya #Fizioterapiya #TƏBİB #İTS #Hemophiliya #NovoNordiskHaemophiliaFoundation #HemofiliyaAzərbaycan #Azerbaijan #Azərbaycan
Lənkəran Rayon Mərkəzi Xəstəxanasında yeni Fizioterapevtik və Reabilitasiya kabinetlərinin açılışı olub

Yeni kabinetlərin fəaliyyətə başlaması hemofiliya və digər qanın laxtalanması pozğunluğundan əziyyət çəkən vətəndaşların xəstəliyin verdiyi fəsadların aradan qaldırılmasına və müalicənin multidisiplinar yanaşmasına xidmət edəcək.
Alt şəkillər
Oxşar məqalələr
359 baxış
Lənkaranda "Qanaxmalardan əziyyət çəkən qadın və qızların müalicəsində müasir yanaşmalar" mövzusunda seminar keçirilib
13.11.2026-cı il tarixində Azərbaycan Respublikası Səhiyyə Nazirliyi və TƏBİB-in dəstəyi, Hemofiliya və digər Hemostaz…
281 baxış
Qubada qanaxmalardan əziyyət çəkən qadın və qızların keyfiyyətli müalicəsinə seminar keçirilib
06.11.2026-cı il tarixində Azərbaycan Respublikası Səhiyyə Nazirliyi , TƏBİB-in dəstəyi və Hemofiliya və digər Hemostaz…
402 baxış
Buxarestdə qanın laxtalanma pozuntularının müalicəsində yeni texnologiyalara həsr olunmuş beynəlxalq elmi konfrans keçirildi
31 oktyabr - 01 noyabr 2026-cı il tarixlərində Rumıniyanın paytaxtı Buxarest şəhərində Avropa Hemofiliya Konsorsiumunun…




